காலாவதி

காலாவதி ஆன மருந்துகளை
வைத்து வியாபாரம் செய்தால் கைது
செய்யுது அரசாங்கம்!
காலாவதி ஆன தலைவர்களை
வைத்து அரசியல் செய்யும்
அரசியல் வியாபாரிகளை என்ன செய்வது?


ஹரிஹரன் ஹெச் என்

அரசியல்

விறகை எரிக்காமல்
வீட்டை எரித்து
சோறு வடித்ததில்
வந்தது அரசியல்

ஹரி

மிச்சம்

எதிரிகளை பெயர் சொல்லி
உயிருக்குக் குறி வைத்து
வேட்டையாடியாச்சு...
உள்ளேயே இருந்து
நோக்கத்தை அடையும்
வழியை விவாதித்த
கருப்பாடுகளை பலி
கொடுத்தாச்சு ...
எப்போதும் கேள்விகள்
கேட்கிற அதிமேதைகளை
ஒழிச்சாச்சு..
பின் மிச்சம் எதுவென
சுற்றிப் பார்த்தால்
கிழே,
இடிந்த வீடுகள்
எரிந்த வாகனங்கள்
கழுகுகளும் நரிகளும்
தின்றது போக
கிடக்கிற எலும்புகள்
மேலே,
வெறிச்சிட்ட வானம்
எரிக்கின்ற சூரியன்.

-ரம்யன்
(பழைய இதழில் இருந்து ...)

பூபாளம் பத்திரிக்கையின் ஆரம்ப காலத்தில் கூட இருந்தவர்கள்:

சிநேகப்பிரியன் , ஆர்க்கே , ரம்யன் , நிஜந்தன் , முரளி , ரமணி மற்றும் பலர். அவர்களை முதலில் தளத்துக்குள் இழுப்போம் .

ஹரிஹரன் .

வணக்கம் .

அன்புள்ள நண்பர்களுக்கு ,

பூபாளம்

வணக்கம். கிட்டத்தட்ட இருபத்து ஐந்து ஆண்டுகளுக்கு முன்னால் ஒரு கையெழுத்து பத்தரிக்கை வெளி வருவதற்கு எவ்வளவு நேரம் செலவழித்தோம். . சைக்லோடைளின் கருவி மூலம் அதை தயார் செய்தோம். அதை எத்தனை பேர்களுக்கு கொடுக்க முடிந்தது . வேலை, கல்யாணம், குழந்தைகள் என்று அனைவரும் அவரவர் பாதைகளில் பிரிந்து போனோம்.

ஆனால் கடந்த இரண்டு நாட்களில் யோசித்து உடனே பூபாளம் செயல்படுத்த முடிந்ததில் எனக்கு மிகவும் மகிழ்ச்சி. இன்று தொடங்கிவிட்டேன்.

அன்று கூட இருந்த நண்பர்கள் இப்போது எங்கெங்கேயோ பிசியாக இருந்தாலும் அவர்களும் கூடிய சீக்கிரம் இந்த தளத்தில் ஒன்று சேருவார்கள் என்று நம்பிக்கை. வெகு விரைவில் நமது படைப்புகளுடன் சந்திப்போம்.

உங்கள் அன்புள்ள

ஹெச் என் ஹரிஹரன்